Mikusog pa ang bagyong Pepito samtang nagkaduol na kini nga mahimong typhoon category.
Sumala sa PAGASA, ang sentro sa bagyo nakita sa kalay-on nga 795 kilometros sidlakang sa Guiuan, Eastern Samar.
Dala niini ang kusog sa hangin nga 110 kph ug paghuros nga moabot sa 135 kph.
Nadugangan pa ang mga lugar nga anaa sa tropical cyclone wind signal number 1 og kini gilangkoban sa mga Catanduanes; Vinzons, Talisay, Daet, Mercedes, Basud sa Camarines Norte; Caramoan, Garchitorena, Presentacion, San Jose, Lagonoy, Tinambac, Goa, Siruma, Tigaon, Sagñay, Calabanga, Naga City, Magarao, Bombon, Pili, Ocampo, Iriga City, Buhi sa Camarines Sur; , Rapu-Rapu, City of Tabaco, Malilipot, Santo Domingo, Bacacay, Legazpi City, Malinao, Manito, Tiwi sa Albay; Juban, City of Sorsogon, Barcelona, Bulusan, Magallanes, Gubat, Santa Magdalena, Casiguran, Bulan, Irosin, Matnog, Prieto Diaz, Castilla sa Sorsogon.
Samtang anaa sa signal number 1 ang mga lugar sa Visayas nga gilangkoban sa Northern Samar; San Policarpo, Arteche, Jipapad, Maslog, Oras, Dolores, Can-Avid sa Eastern Samar og sa Matuguinao, San Jose de Buan sa Northern Samar.
Sa sulod sa 12 oras gipaabot nga mamahimong typhoon category ang bagyo og nagpasidaan ang PAGASA nga mamahimong usa ka super typhoon pa kini.
Mahimong maglandfall kini sa gabie sa Sabado o hangtod buntag sa Dominggo sa Central Luzon o Southern Luzon.
Gipaandam sa PAGASA ang mga public and disaster risk reduction and management offices sa epekto sa bagyong Pepito.
