GENERAL SANTOS CITY- Padayon ang pagpangita sa kapulisan sa duha ka suspek nga mipusil kang Ritchie Bactol 24 anyos walay trabaho nga residente sa Purok 18 Mabuhay ning syudad.
Matud ni Police Major Wesley Matillano, hepe sa Mabuhay Police station nga padayon ang pagtigum ug impormasyon sa ilhanan sa mga suspek samtang na estorya na ang apuhan sa biktima alang background sa biktima.
Kagahapon pasado alas singko sa hapon gipusil ang biktima samtang naa sa circumferential road sa Mabuhay.
Basi sa saysay sa mga nakakita nga bag-o lamang mikanaug sa traysikel ang biktima dayon gitagbo sa mga suspek ug dayon gipusil makaupat ka higayon ug pagkahuman misakay sa usa ka motor ug mipalayo sa lugar.
Gidala sa Dr George Royeca Hospital ang biktima apan wala magdugay gibawi-an sa kinabuhi human nakaangkon ug smad sa nawong ug uban nga bahin sa lawas.
Upat ka basyo sa pusil ang narekober sa mga sakop sa scene of crime operatives. Lakip ginasusi sa kapulisan ang impormasyon nga nalambigit sa Illegal drugs ug pagpangawat ang biktima.
