Hingpit nang na-turn-over sa mga PNP responders sa PRO 12 ang kantidad Php563,214.00 nga relief goods nga gilangkuban sa food packs, hygiene kits, medical supplies, ug uban pang panginahanglan ngadto sa Police Regional Office 5 isip kabahin sa comprehensive relief operation alang sa mga biktima sa Tropical Storm Kristine.
Natigayon ang kini sa Camp Simeon Ola, EM’s Barrio N, Legazpi City, Albay.
Kahinumduman nga nagpahigayon ug send off ceremony ang Police Regional Office 12 sa pagpanguna ni Regional Director Brig General James Gulmatico.
Una nga gibutyag nga matag Provincial ug City Police Office sa rehiyon dose ang nagtigum ug relief goods alang aron ipadala sa mga residente sa Bicol region naapektuhan sa bagyong Kristine.
Mukabat sa 25 ka Police personnels gikan sa Regional Mobile Group ang naghatud sa maong hinabang.
Nahimo ng kinaiya sa kapulisan sa rehiyon ang pagpadala ug nagkalain laing hinabang alang sa mga biktima sa kalamidad.
