Senator Dela Rosa, dili magduha-duha nga ibalik ang war on drugs kung mahatagan kini ug higayon

Wala nagbasol si Sen. Ronald ‘Bato’ dela Rosa nga napatuman ang war on drugs sa nakalabayng Duterte administration.

Dugang gipahayag sa senador, kung mahatagan kini ug higayon, pili-on niini nga ipatuman kini pagbalik.

Subay sa datos sa Philippine National Police, mukabat sa 6,000 ka mga drug personalities ang nangamatay ug napatay sa mga gikasang operasyon sa kapulisan.

Matod pa sa Senador, kini lamang ang pamaagi aron mapadaug ang pakigbatok sa iligal nga droga sa kanhi administrasyon.

Nagpagawas sa nahisgutang pahayag ang senador sa dili pa pagasugdan ang pagdungog sa senado sa drug war sa Duterte administration karong aldawng lunes, Oktobre 28.