Kanhi VP Leni Robredo, nagpahinumdom sa publiko bahin sa nagkatag nga ‘fake number’ nga nangayo og donasyon

Gipahinumdoman ni kanhi Bise Presidente Leni Robredo ang publiko bahin sa mikatap nga peke nga numero nga nangayo og donasyon alang sa mga biktima sa bagyong Kristine.

Matod ni Robredo, usa ra ang iyang personal nga numero ug wala siya mogamit ug messenger.

Giklaro usab sa kanhi bise presidente nga ang iyang Angat Buhay o Naga Team dili modawat og cash donations isip kabahin sa ilang polisiya sa transparency.

Dugang pa ni Robredo nga ang ‘Kaya Natin’ movement group lang ang gitugutan nga makadawat ug cash donations alang kanila isip kabahin sa transparency ug accountability.

Giawhag usab niini ang publiko nga dili motuo sa nagpakaaron-ingnon nga sila si Leni Robredo o Angat Buhay nga mga miyembro.