GENERAL SANTOS CITY-May nakalatag ng security plan ang syudad alang sa paghinumdom sa All Souls Day ug All Saints Day.
Kini ang pahayag ni Atty. Jong Gonzales, labaw sa Public Safety Office(PSO) dungan sa pagkumpirma nga may final meeting pa nga ipahigayon sa adlaw nga Miyerkules aron maplantsa ang paghatag sa seguridad sa tulo ka private cemetery samtang tulo usab ang pampubliko nga sementeryo.
Matud ni Gonzales nga sa hisgotanan sa seguridad nagtutok niini silang Joint Task Group Commander Col. Ruben Aquino ug Col. Nicomedes Olaivar Jr. sa General Santos City Police Office.
Gawas sa kapulisan ug mga sundalo makauban nianang adlawa ang mga sakop sa Traffic Enforcement Unit og mga enforcers nga gi-tap sa kapulisan.
Gikadugang ni Olaivar nga joint effort ang maong aktibidad aron bantayan ang palibot sugod sa Nobyembre 1 hangtud 10, 2024.
Matud ni Atty. Gonzales nga kadtong mupaingon sa direksyon sa Polomolok, South Cotabato kinahanglan nga anaa muagi sa most outer lane samtang ang center lane ang itagana sa mga sakyanan nga buot musulod sa Forest Lake Cemetery sa Brgy Apopong.
