SOCCSKSARGEN- Nakadawat ug pasidunggog ang Department of Social Welfare and Development (DSWD) – KALAHI-CIDSS ug outstanding volunteers from across the Philippines.
Lakip sa mga gipasidunggan gikan sa SOCCSKSARGEN Region mao sila Eva Marie Matillano Garde gikan sa Munisipyo sa Alamada nga giila nga Most Outstanding Volunteer sa Gender and Development category, ug Largo Lanaja Adlawan gikan sa Munisipyo sa Makilala nga gipasidunggan isip Exceptional sa Senior Citizen category.
Kini nga mga pasidungog usa ka testamento sa ilang dili matarug nga dedikasyon sa boluntaryo ug sa ilang walay hunong nga mga paningkamot sa pagbayaw sa ilang mga komunidad.
Ang Gender and Development Bayanika Award gihatag ngadto sa usa ka tawo nga nagpakita sa kinauyokan nga mithi sa KALAHI-CIDSS samtang ang Bayanika for Senior Citizens gihatag niadtong kansang kaalam ug kasinatian nakahatag ug bililhong mga panglantaw ug inspirasyon sa mga batan-ong henerasyon.
Ang BayaniKa Awards nagsaulog sa makapadasig nga mga istorya sa kalampusan sa KALAHI-CIDSS nga programa, nga nagpasiugda sa mga positibo nga epekto, kalampusan, ug mga paningkamot sa adbokasiya nga nakahatag ug gahum sa mga grassroots nga komunidad sa nasud.
