Giila sa Department of Justice (DOJ) ang panawagan alang sa Pilipinas nga mobalik sa pagkasakop sa International Criminal Court.
Gawas niini, giinsister usab ni Justice Assistant Secretary Mico Clavano nga giila sa ahensya ang panawagan sa publiko nga isumiter ngadto sa ICC ang report sa Quad Committee sa House of Representatives kalabot sa dugoong drug war ni kanhi PRRD.
Hinuon giinsister ni Clavano nga si Pang. Ferdinand Marcos Jr. ang usa lamang ang makahimo og desisyon bahin niini, isip punoan nga arkitekto sa palisiya sa gawas sa nasud.
Tungod niini, matod niya nga mobarog ug mosunod ang DOJ, bisan unsa pa ang desisyon sa PBBM.
Tuig 2019 dihang ang Pilipinas mibulag sa ICC ubos ni kanhi Pang. Rodrigo Duterte
Lakip sa giimbestigahan sa ICC mao ang war crimes, crime of aggression, genocide, ug crimes against humanity.
Si Duterte maoy usa sa mga subject sa crime against humanity investigation sa international body tungod sa maduguong sunodsunod nga pagpamatay sa pagsugod niya sa kampanya batok sa ilegal nga drugas.
