Gisuspenso ug usa ka tuig sa Japan Boxing Commission si kanhi 3 division champion John Riel Casimero human pakyas nga makab-ot ang 122-pound super bantamweight limit sa ten-round bout batuk kang Saul Sanchez kaniadtong Dominggo.
Ang 35-anyos nga si Casimero ang misobra ug usa ka kilo sa official weigh-in kaniadtong Sabado.
Gani gihatagan ug duha ka oras nga makuha ang sakto nga timbang apan pagbalik niini mitimbang ang Ormoc boxer ug 123 pounds.
Bisan misobra ang timbang gihinayon gihapon ang away nga nagresulta sa kapildihan sa Mexican boxer sulod lamang sa unang round.
Sa kasamtangan si Casimero may record nga 34 wins 4 losses ug 1 draw nga may 23 knockouts.
Gani gi-promote si Casimero sa Treasure Boxing Promotion sa duha ka ulahing away sa Japan batuk nilang Yukinori Oguni ug Saul Sanchez nga nagresulta sa technical draw ug technical knockout.
