Nanawagan si Kilusang Magbubukid ng Pilipinas (KMP) chair ug senatorial aspirant Danilo Ramos nga kanselahon ang certificate of candidacy (COC) ni kanhi Presidente Rodrigo Duterte isip mayor sa Davao City tungod kay nalambigit siya sa drug war killings niadtong Presidente pa siya sa nasud.
Sa usa ka pamahayag, si Ramos miingon nga kinahanglang manubag si Duterte sa giingong “high crimes against humanity”.
Giingong dili usab madawat nga modagan sa piniliay ang tawo nga nalambigit sa seryosong kaso sa paglapas sa tawhanong katungod.
Ingon man nga kinahanglang magbantay ang publiko sa plano ni Duterte nga molikay sa iyang responsibilidad ug mobalik sa gahom.
Gihimo ni Ramos ang pamahayag human sa mga gibutyag sa hearing sa House Quad Committee niadtong Biyernes, Oktubre 11 diin gibutyag ni retired police colonel Royina Garma nga si kanhi Presidente Ridrigo Duterte giingong nagmando sa tibuok nasud nga pagpatuman sa gitawag nga Davao model kon diin ang mga reward ihatag ngadto sa ang pulis nga makapatay sa mga drug suspect.
