Gisibog na ang deadline sa pagsang-at og mga petisyon batok sa mga kandidato nga modagan nga gikonsiderar nga nuisance.
Matod sa Commission on Elections (Comelec), ang gitakdang deadline sa pagpasaka sa petisyon gikan sa Lunes, Oktubre 14 hangtod Miyerkules, Oktubre 16.
“Please take notice that the Commission (en banc) approved the extension of the deadline for the filing of Petitions Against Nuisance Candidates from Monday, 14 Oct. 2024 to Wednesday, 16 Oct. 2024, from 8 a.m. to 5 p.m., in view of Comelec Memorandum dated 11 October 2024, in relation to Memorandum Circular No. 66 of the Office of the President on work suspension in the Cities of Manila and Pasay on 14 and 15 October 2024,”matud sa komisyon
Gihisgutan sa Comelec sa memo niini nga pinetsahan og Oktubre 11 nga ang extension subay sa mando sa Malacañang sa pagsuspenso sa trabaho sa gobyerno sa nahisgutang mga petsa alang sa pagpahigayon og international event sa Pasay City.
Sa pahibawo sa Malacañang, suspendido ang trabaho ug klase sa Pasay ug Manila City karong Oktubre 14 ug 15 tungod sa Asia-Pacific Ministerial Conference on Disaster Risk Reduction (APMCDRR).
Ang kalihokan gilauman nga makamugna og grabe nga trapiko tungod sa umaabot nga mga partisipante.
Ang Comelec nagkanayon nga gihatagan ang publiko og lima ka adlaw human sa panahon sa pag-file og certificates of candidacy sa pagsang-at og mga petisyon batok sa mga aspirants nga nangita og nasyonal o lokal nga posisyon sa Mayo 2025 midterm polls.
