Magtutok sa mga satellite, drone, ug artificial intelligence (AI) karung tuiga ang Asia-Pacific Ministerial Conference sa Disaster Risk Reduction.
Matod ni Department of Environment and Natural Resources Secretary Maria Antonia Yulo-Loyzaga, ang conference magpaila sa paggamit sa mga bag-ong teknolohiya sama sa AI ug satellites sa pagtubag sa mga kalamidad.
Matod niya, ang maong conference magsilbi nga plataporma sa pagpalig-on sa kolaborasyon sa nasud ug ubang kanasuran sa ilang tinguha nga mapanalipdan ang publiko, kabtangan, ug kinaiyahan gikan sa mga katalagman.
Ang maong komperensya gikatakda gikan sa Oct. 14 hangtod 18. Ipahigayon kini sa Philippine International Convention Center (PICC) sa Pasay City.
Ang Pilipinas maoy napiling host karong tuiga, sa pakigtambayayong sa United Nations Office for Disaster Risk Reduction (UNDRR)
Gawas sa mga representante sa nagkalain-laing nasud, gilauman usab nga motambong ang mga international ug national civil society organizations, private sector, science enthusiasts, academia, ug uban pang grupo gikan sa Asia-Pacific Region.
