Gibasura sa Sandiganbayan ang P276 million forfeiture case batok kang kanhi Pangulong Ferdinand Marcos Sr. og kanhi First Lady Imelda Marcos.
Sa 30 panid nga resolusyon nga gipagawas sa miaging Oktubre 4, gibutyag sa anti-graft court ang hilabihan nga pagkadelatar sa pagpadayon sa kaso sa parte sa Presidential Commission on Good Government (PCGG).
Sumala sa korte, dili na kaya nga hatagan og patas nga pagtaral ang mga defendant tungoda kadaghanan sa mga posibleng testigo ang namatay na og ang ilang documentary evidence ang dili na makit-an pa tungod 37 ka tuig nga pagkatanmggong sa kaso sugod nga gisang-at kini kaniadtong 1987.
Gibutyag usab sa Second Division sa korte nga ang nahibiling nabuhi nga defendant nga si Imelda Marcos ang 95 anyos na hinungdan ang iyang abilidad aron mutestigo og hinumdumon ang mga panghitabo ang sigurado nga hinay na ingon ang iyang panglawas.
Sumala pa sa korte nga walay katakos nga mutestigo sa maong isyu ang mga anak sa mga defendant nga silang Pangulong Ferdinand Marcos Jr, Sen. Imee Marcos og Irene Marcos-Araneta tungod menor de edad pa lamang sila niadting mahitabo ang matod pa ilegal nga mga transaksyon may kalabotan sa Pinugay Estate nga 53 ka tuig na ang milabay.
Kahinumduman nga gisang-at sa PCGG ang maong forfeiture case batok sa pamilya Marcos niadtong Hulyo 21, 1987 sa tumong nga mabakwi ang P276 million nga kantidad sa mga bahandi nga matod pa kinawat nga bahandi sa mag-asawang Marcos sa panahon sa Martial Law.
