Nagmugna ang House of Representatives og joint panel nga gilangkoban sa lima ka komite aron tutukan ang pakigbatok sa mga ahensya sa gobyerno sa smuggling, hoarding, pagmanipula sa presyo og uban pang gimbuhaton nga mibabag sa gawasnong pagnegosyo.
Matod kang Speaker Romualdez, nag-unang tumong sa maong balaud nga himuong mas barato ang presyo sa pagkaon og mapalambo ang kinabuhi sa mga mag-uuma.
Tawgon nga “Quint Committee” ang maong joint panel nga pangunahan sa House Committee on Ways and Means nga dumalahan ni Albay Rep. Joey Salceda.
Gihingusgan pa ni Speaker nga bantayan sa joint panel ang pagpatuman og bag-ong gipirmahan nga Republic Act (RA) No. 12022, o ang Anti-Agricultural Economic Sabotage Act.
Sa miaging semana, gipirmahan ni Pangulong Ferdinand Marcos ang maong balaud sa Palasyo sa Malakanyang nga gisaksihan sa mga senador, kongresista og mga opisyal sa gobyerno.
Samtang, sumala kang Pangulong Marcos, ikonsidera nga “economic sabotage” ang smuggling, hoarding, profiteering, og cartel operations, og pahamtangan ug bug-at nga multa og tibuok kinabuhi nga pagkabilanggo ang mapamatud-an nga nalambigit sa mga ilegal nga gimbuhaton.
Ilawom sa balaud, mugnaon usab ang council og enforcement group aron sa pagsumpo sa mga operasyon sa smuggling og pagdakop sa mga musupak sa balaod.
