Gikalipay ni House Committee on Ways and Means chairman og Albay Rep. Joey Sarte Salceda ang wala damha nga pagkunhod sa inflation report alang sa Setyembre 2024, kung asa gipakita ang kamahinongdanon niini alang sa economic agenda sa administrasyong Marcos.
Gibutyag ni Salceda nga ang wala damha nga pag-ubos sa inflation ang maghatag ug daghang pamaagi aron ipursige ang mga ambisyon nga paggasto sa mga programa nga alang sa ekonomiya og social services.
Dugang pa sa ekonomistang magbabalaod nga maghatag usab kini og dakong kontribusyon sa Bangko Sentral ng Pilipinas aron sa pagmaniobra kung ang US Fed og uban pang mga central banks nga dili mahimo nga tarungon ang ilang interest rate levels.
Gitino ni Salceda ang low food inflation ang nagresulta sa mabulukon nga pagkunhod sa presyo sa mga prutas ug utanon dungan sa medyo pagkunhod nga presyo sa isda.
Ang inflation sa asukal ang nagpadayag nga ang presyo niini ang mahimong mag-normalize.
Hinuon, nagpahimangno si Salceda nga kinahanglan gihapon ang pagbantay, partikular ang kabahin sa presyo sa bugas tungod kini anaa sa 5.7 percent gihapon.
“We must remain vigilant about rice inflation, which the poor tend to be most sensitive to. Rice is still at 5.7 percent we could still improve this figure. The October harvest season should further lower these levels. We should also watch out for corn prices, at 6.9 percent inflation, given its key importance as an input to meat, poultry, and fish prices,” pahayag ni Salceda.
Isip tubag sa maong mga kabalaka, gibutyag ni Salceda nga ang pagmugna og usa ka panel sa lima ka komite nga nakatutok sa seguridad sa pagkain og mga presyo, lakip ang iyang Committee on Ways and Means nga nag-una.
Sa karon gibutyag ni Salceda nga ang Kapulungan sa mga Representante ang nagmugna na og lima ka committee panel alang sa seguridad sa pagkaon og mga presyo sa pagkaon.
Sa iyang pamahayag, ang iyang Komite, ang Committee on Ways and Means, ang mahimong nag-unang Komite alang sa maong paningkamot.
Ang uban pang constituent committee, mao ang Trade and Industry, Food and Agriculture, Social Services, og ang Special Committee on Food Security.
Ang maong joint panel tawagon nga Quint-Comm nga adunmay upat ka tumong.
Kini mao ang pagkab-ot sa P20 matag kilo sa bugas; pagtaas sa annual GVA growth sa agriculture; bawasan ang pagkalugi sa sektor sa agrikultura og himuong competitive sa regional levels ang presyo sa livestock og poultry sa nasud.
