Nagsugod niining adlawa Nobyembre 2 2026 ang ikalima ug katapusang status conference sa Trial Chamber III sa International Criminal Court (ICC), may kalabotan sa kaso crimes against humanity batok kang kanhi Presidente Rodrigo Duterte.
Ang sesyon naghisgot sa mga mahinungdanong pagpangandam alang sa trial proper nga gikatakda karong Nobyembre 30.
Ang status conference gikatakda nga mahitabo gikan sa alas 5:00 sa hapon hangtod sa alas 6:30 sa gabii (oras sa Pilipinas). Aduna usay dugang sesyon nga gikatakda gikan sa alas 7:00 sa gabii hangtod sa alas 8:30 sa gabii, kung gikinahanglan.
Lakip sa mga gihisgutan sa Trial Chamber III ug sa mga hingtungdan nga partido mao ang eskedyul sa adlaw-adlaw nga mga pagdungog, paghatag og testimonya pinaagi sa *audio-visual link*, mga katungod sa pagtambong ug pagpamulong, listahan sa mga saksi, ug ang panahon nga gigahin alang sa prosekusyon sa pagpresentar sa ilang mga ebidensya.
Apil usab sa agenda ang mga ebidensya nga mahimong makapamatuod sa pagkawalay sala sa akusado (exculpatory evidence), mga kamatuoran nga giuyonan na sa duha ka habig, ang han-ay sa pagtawag sa mga saksi, mga aplikasyon ubos sa Rule 68(3), mga lakang sa pagpanalipod sulod sa korte, ug ang seguridad sa mga misyon sa depensa.
Sumala sa usa ka dokumento nga gipagawas niadtong Biyernes, dili motambong si Duterte niining ikalima nga status conference, tungod kay gitugotan siya sa Trial Chamber III nga dili motambong
