Gipanawagan ni Senate Committee on Health Chairman Christopher ‘Bong’ Go sa Philippine Health Insurance Corporation (PhilHealth) nga i-apil sa coverage sa benepisyo niini ang mga emergency outpatient services.
Sa kasamtangan, ang bugtong sakop lang sa PhilHealth mao ang mga pasyenteng naka-admit sa mga ospital.
Giawhag usab sa senador nga repasuhon sa state health insurer ang ilang polisiya ug ikunsidera ang suhestyon nga iapil na usab sa emergency outpatient services.
Gitumbok ni Go nga may pipila ka mga pasyente nga dili na kinahanglan pang ma-confine ang nagdesisyon nga magpa-admit para lang makakuha ug PhilHealth benefits.
Giawhag usab sa magbabalaod ang PhilHealth nga tutukan ang preventive care sama sa regular check-ups, dental cleaning, ug early intervention sa mga minor health concern.
