Olympic ring temporaryong gitangtang sa Eiffel Tower

Temporaryong gitangtang sa Paris ang Olympics logo nga unang gibutang sa Eiffel Tower.

Kini human sa pagsaway nga giingong pagpasipala sa iconic landmark sa Paris nga mao ang Eiffel tower.

Matod ni Paris Mayor Anne Hidalgo nga magpahimo na lamang kini og bag-ong Olympic rings ug ibalik kini sa sikat nga landmark.

Gibutang niini ang maong Olympic rings sa Eiffel tower isip paghinumdom sa paghost nila sa Paris Olympics.

Bisag unang gibutyag sa mayor nga mamahimong permanente na lamang kini, gisugyot na lamang niini nga didto lamang kini ibutang hangtod sa magsugod ang Olympics sa Los Angeles pag-abot sa tuig 2028.

Unang gibutang ang 30-tonelada nga steel rings sa miaging Hunyo 7 ug kini ilang tunawon na og irecycle.