Gisirad-an sa Malaysia ang mga eskwelahan sa kaulohan nga Kuala Lumpur ug lima ka silingang estado human ang polusyon sa hangin miabot sa delikado nga lebel tungod sa baga nga aso gikan sa mga sunog sa kalasangan sa Indonesia.
Ang mando nakaapekto sa mga duha ka milyon nga mga estudyante human ang Air Pollutant Index (API) sa Kuala Lumpur miabot sa 170, samtang ang kalidad sa hangin sa silingang Singapore miabot sa “very unhealthy”
Gimando ni King Sultan Ibrahim nga awtomatikong isira ang mga eskwelahan kung ang pagbasa sa API molapas sa 150 aron mapanalipdan ang kahimsog sa mga bata ug mga mahuyang nga sektor gikan sa nagkagrabe nga haze.
Si Malaysian Prime Minister Anwar Ibrahim miingon nga nakigkontak na siya kang Presidente Prabowo Subianto sa Indonesia alang sa angay nga aksyon ug nangayo usab og emergency meeting sa mga ministro sa kalikopan sa ASEAN.
Gihimo usab ang mga operasyon sa cloud seeding aron mag-ulan, samtang ang mga awtoridad nagpadayon sa pagmonitor sa krisis sa panglawas diin kapin sa 170,000 ka mga kaso sa impeksyon sa respiratoryo ang natala tungod sa kaylap nga mga sunog nga nakasunog sa mga 200,000 ka ektarya nga kalasangan sa Indonesia.
