Taliwa sa pagkataktak isip mayor sa Bamban, Tarlac si Alice Guo maka-file gihapon kini sa iyang kandidatura alang sa 2025 midterm elections.
Matod sa tigpamaba sa Comelec nga si Rex Laudiangco, kon mo-file si Alice sa iyang Certificate of Candidacy, dawaton gihapon kini sa komisyon, bisan unsa pa ang iyang daganan nga posisyon.
Nangatarungan si Laudiangco nga ministerial lang ang trabaho sa komisyom, hinungdan nga mobuhat kini sa iyang gitahasan nga katungdanan aron mapadali ang pag-file ug pagdawat sa COCs basi sa mga probisyon sa balaod.
Dugang niya nga walay gahom ang Comelec sa pagsalikway sa COC sa kanhi mayor kon gusto niya nga isumiter sa umaabot nga filing.
Apan, kung adunay mosang-at og petisyon aron kanselahon o i-deny ang COC ni Alice Guo kay mahimo kining tun-an sa komisyon ug gamiton ang maong petisyon isip basehan sa petition for disqualification.
Kahinumduman nga gitangtang si Alice Guo sa Ombudsman isip mayor sa Bamban tungod sa grave misconduct nga may kalabotan sa giingong kalambigitan niini sa POGO operation ug kini nahimong epektibo niadtong Agosto 13, 2024.
