Gipakomento sa Korte Suprema ang Senate impeachment court ug House of Representatives kalabot sa petisyon nga nagkuwestiyon sa voting threshold o gidaghanon sa mga boto nga gikinahanglan aron mahukman si Bise Presidente Sara Duterte sa impeachment trial.
Gisumite ang petisyon nila ni Senador Robin Padilla ug Bong Go, sa PDP-Laban ug uban pang mga abogado. Sa resolusyon nga may petsang Oktubre 14, gihatagan sa Korte Suprema ang duha ka kapulungan og lima ka adlaw gikan sa pagdawat sa pahibalo aron mosumite sa ilang komento.
Misunod kini sa botohan sa Senate impeachment court niadtong Miyerkules, diin giaprobahan sa 13 ka senador-hukom ang pag-eksklusyon sa mga mambabalaod nga napriso, suspendido o legal nga dili makahimo sa ilang mga katungdanan sa pagkalkulo sa two-thirds vote nga gikinahanglan aron mahukman si Duterte.
Tungod kay 20 na lamang ka senator-judges ang pagaihapon, 13 ka boto ang gikinahanglan aron makab-ot ang two-thirds threshold human i-round up ang 13.333, tungod kay dili mahimong isipon ang tipik sa usa ka senador.
