Andam na ang kampo nilang US Vice President Kamala Harris og kanhi US President Donald Trump alang sa ilang unang debate.
Ipahigayon kini alas-9 sa buntag ugmang adlawa, oras sa Pilipinas sa National Constitution Center sa Philadelphia.
Sa ginahimong pagpangandam ni Harris, giistorya niya silang US President Joe Biden og kanhi US First Lady Hillary Clinton.
Nangandam usab si Harris sa unsa mang insulto nga pwede ibato kaniya ni Trump.
Nagtuo ang kampo ni Harris nga sa maong debate makaangkon na og desisyon ang mga gikonsidera nga ‘undecided voters’.
Sa kampo usab ni Trump, gibutyag niini nga dili na niya kinahanglan pa ang unsa mang pormal nga pagpangandam tungod nakaangkon na kini og panagpulong sa senior advisers, policy experts og mga kaalyado.
Gipaambit usab sa campaign spokesperson ni Trump nga si Jason Miller ang pipila ka topiko nga ibato nila kay Harris.
Gilangkoban kini sa sayop nga paghupot niya sa US-Mexico border, illegal Immigration, pagbawi sa mga sundalo sa US nga nadestino sa Afghanistan og ang paghinay sa ekonomiya.
