Nakig-alayon na karon si Immigration Commissioner Norman Tansingco sa mga Indonesian authorities alang sa dinali-ang pagpabalik kang dismissed Bamban, Tarlac Mayor ALice Leal Guo dinhi sa Pilipinas. Kini human siya nadakpan sa mga immigration officials sa Indonesia.
Sumala sa Presidential Anti-Organized Crime Commission (PAOCC) uban sa kumpirmasyon sa Department of Justice, nadakpan si Guo pasado alas-11:58 kagabii sa Tangerang City sa Jakarta, Indonesia, base na usab sa nakuha nilang impormasyon gikan sa Indonesian police.
Sigon ni Justice Assistant Secretary Mico Clavano, gikostudiya na karon si Guo sa Indonesian Police sa Jatanras Mabes Polri.
Aduna nay naka-andam nga security measures ang National Bureau of Investigation alang sa luwas nga pagpabalik kang Guo sa nasud.
Gikan sa NAIA muagi una sa Bureau of Immigration si Guo aron maproseso ang tanan sa iyang mga dokumento bag-o dalhon sa NBI.
Gisiguro usab sa NBI nga muagi sa tamang proseso ang tanan bag-o dalhon si Guo sa Senado.
