Nipahinumdom pag usab ang kampo sa lider sa Kingdom of Jesus Christ Apollo Quiboloy sa pipila ka mga kondisyon sa iyang pagsurender.
Matod ni Atty. Israelito Torreon, abogado ni Quiboloy, nga kinahanglang adunay sinulat nga deklarasyon si President Ferdinand Marcos Jr.
Gipahayag niini nga dili niya i-extradite si Quiboloy sa US kung asa nag-atubang usab kini og kaso.
Dugang ni Torreon nga mao lang kini ang ilahang gipaabot isip kasegurohan ug alang usab sa seguridad ni Quiboloy.
Dugang niini niinsistir siya nga kani nga lakang apil sa gilatid sa balaod.
Sukad kaniadto, mao lang ang ilahang hangyo kang Presidente Marcos.
Kahibaluan nga gawas sa Pilipinas, nag-atubang usab si Quiboloy og kaso sa US nga fraud, and coercion; sex trafficking of children : marriage fraud; fraud and misuse of visas; bulk cash smuggling; promotional money laundering; concealment money laundering; ug international promotional money laundering.
Una na nga gipasalig ni Marcos nga patas ang bisan unsang husay sa kaso ni Quiboloy ug ang paghatag og kondisyon sa pagsurender sama sa iro nga nahadlok.
Kahibaluan nga ang puganteng Quiboloy ang wala na nakita sukad kaniadtong Abril human nigawas ang iyahang warrant of arrest gikan sa korte sa Pasig ug Davao City.
