GENERAL SANTOS CITY – Unom ang patay sa pagkahagbong sa usa ka kotse sa bangin sa Purok Malakas, Nagpan, Malungon Sarangani Province.
Giila ni Police Lt. Col. Giovanni Ladeo, Hepe sa Malungon Municipal Police station ang mga biktima nga silang Jay R Tabanag Mandawan 34 driver, Quiruben Saradoma Luchavez 39, Nora Albuena Pellejo 59, Ernesto Xicay Mucia 57 US citizen, ug duha ka wala maila nga biktima.
Gikan matud pa sa Heneral Santos paingon unta sa Mati Davao Oriental ang kotse nga may plate number RAM 7560 maneho ni Mandawan dihang pag-abut sa bahada nga bahin sa Barangay Nagpan nag over take kini sa laing sakyanan gamit ang outer lane apan na over shot sa kurbada nga bahin hinungdan sa pagkabalentong nga nagresulta sa paglabay sa bangin nga bahin.
Gituhuan sa kapulisan nga sa kakusog sa pagkalabay nabalintong sa makadaghan ang sakyanan hangtud nasangit sa punu-an sa kahoy.
Nadala pa sa Malungon Municipal Hospital ang mga biktima apan gideklara nga dead on arrival.
Nahitabo ang insidente ala 3:50 sa hapon Agusto 29, 2024.
