Gisaway ni kanhi Philippine National Police Chief ug karon Senador Ronald Bato Dela Rosa ang ikatolo kapakyasan sa Police Regional Office 11 sa pagsilbi sa warrant of arrest kang Kingdom of Jesus Christ (KOJC) Church Founder Pastor Apollo Quiboloy.
Kahibaluan nga, napakyas ang grupo ni Regional Director Nikolas Torre III nga linawas nga ma-serve ang warrant mi Quiboloy human nagpabilin kining idlas sa mga otoridad, taliwala nga migamit na sa kapin 2,000 ka unipormado pulis ang ilang regional office aron mapuwersa ang mga sakop sa KOJC nga itahan ang ilang amahan sa simbahan.
Nahuman ang puwersadong pag-atake sa PRO-11 nga walay Quiboloy nga ilang naabtan sulod sa iyang compound sa Buhangin District, Davao City.
Gipanigurado ni Dela Rosa nga mulusad ang iyang komite sa senate hearing sa kalit nga paglusob sa PRO-11 sa compound sa KOJC sa adlaw’ng Martes.
Una niini, andam si kanhi NTF-ELCAC Spokesperson Dr. Lorraine Badoy nga mutestigo sa senate probe kung idayon ni Dela Rosa ang inquiry sa gihimo sa kampo ni Torre.
Alang kang Badoy gipakita ug gipabati sa kapulisan kahadlok gamit ang ilang monster truck ug mga radar sa paglusob sa compound sa simbahan.
Gibasol ni Badoy si Presidente Ferdinand Marcos Jr sa hitabo tungod kay nagsumikad man kaniya ang mando nga gun-ubon ang ilang simbahan.
