Human ma award ang 329 ka bulawang medalya sa 32 ka sports sa tibuok 19 ka dili malimtan nga mga adlaw sa kompetisyon, ang Paris Olympics hingpit ng natapos.
Ang katapusang kalihokan sa panapos nga seremonya gipahigayon sa Stade de France diin ang Paris nagsaulog sa pag-host niini sa ika-33 nga edisyon sa Olympiad.
Ang panapos nga seremonya nagpakita usab sa tradisyonal nga mga elemento, lakip ang parada sa mga atleta ug ang pagpasa sa bandila sa Olympic gikan sa Paris ngadto sa 2028 host Los Angeles.
Uban sa mga sama nila Billie Eilish ug Snoop Dogg nga nagpasundayag sa Stade de France.
Samtang ang Olympic centennial team sa Pilipinas nagsira sa mga dula sa Paris pinaagi sa labing maayong pagtala og medalya.
Nahimo ang kasaysayan sa Pilipinas sa France gumikan nakab-ot ang labing maayong paghakot og medalya sukad sa pagsalmot sa Olympic Games 100 ka tuig na ang milabay.
Kini gumikan ang nasud nakakuha ug duha ka bulawang medalya gikan ni gymnast Carlos Yulo ug usa ka bronze medal matag usa gikan sa Pinay nga mga boksidor nga sila Nesthy Petecio ug Aira Villegas.
Sa wala pa ang Tokyo Games, ang kataposang higayon nga ang nasod nakadala og labaw sa usa ka medalya, niadto pang 1932 didto sa Los Angles, dihang ang delegasyon sa Pilipinas mitugpa sa podium sa makatulo ka higayon.
Ang Pilipinas aduna nay kinatibuk-an nga 18 ka medalya, nga adunay tulo ka bulawan, lima ka silver, ug 10 ka bronze.
