GENERAL SANTOS CITY – Kaya nga makahimo ug 300 hangtud 400 ka kilo sa shabu matag semana ang kapasidad sa suspected Illegal drug laboratory nga na embargo sa mga otoridad human sa gipahigayon nga search operation.
Kini human gibutyag ni PDEA 12 Director Aileen Lovitos nga usa sa nakakita sa nadeskubre nga himan atul sa gipahigayon nga raid.
Gani nagpadayon matud pa ang inventory sa iyang mga sakop kauban sa PNP 12 Regional Forensic Unit sa mga kahimanan nga naa sulod sa bodega luyo nga dili pa makahatag sa kantidad sa naaoy nga mga ekipo.
Gikumpirma usab ni Lovitos nga ang mga equipment nga nakabutang sulod sa bodega susama sa dakong drug laboratory nga naronda sa panahon ni Pangulo Rodrigo Duterte didto sa Pampangga.
Nasuta nga ang naasoy nga bodega ang walay business permit sa LGU Maitum hinungdan nagmando ang Mayor sa Maitum nga pahunungon ang operisyon.
