Gisiguro ni Manila Mayor Honey Lacuna-Pangan nga mahimong bongga ang himuon sa lokal nga kagamhanan sa Maynila kang Carlos Yulo nga usa ka tinuod nga Manilenyo human nga masungkit ang duha ka gold medals sa nasud sa Paris Olympics.
Sumala sa pahayag ni Lacuna, gipangandaman na sa lokal nga kagamhanan ang ipahigayong “Hero’s Welcome” kang Yulo ug sa ubann pang mga Pilipino nga nagdula sa Olympiada sa oras sa ilang pag-uli sa nasud.
“All of Manila, the entire Philippines, and all Filipinos all over the world rejoice at Carlos Edriel Yulo’s spectacular gold medal performance at the Paris Olympics. Our hearts leaped in our chests as Caloy leaped high in the air. We stomped our feet on the floor as Caloy nailed those solid landings that felt like earthquakes. Our eyes glowed in admiration as Caloy showed sure control as he executed that perfect handstand,” pamahayag ni Mayor Lacuna.
Matud kang Lacuna, midungan sila kang Caloy dihang gikanta ang Nasudnong kanta sa Pilipinas og wala nila napugngan ang makahilak dihang giwara-wara ang flag sa Pilipinas sa Paris.
“When we meet him, we will present Carlos Yulo cash incentives, awards, and symbols of the eternal gratitude of the proud Capital City of the Philippines,” sumala pa sa mayor.
Una niini, nagpasa og resolusyon ang Sangguniang Panlungsod niadtong Mayo 28, 2024, nga nagpaabot og pagtimbaya og pag-ila sa mag-igsuon nga silang Carlos og Karl Eldrew Yulo tungod sa ilang talagsaong kalampusan sa artistic gymnastics sa Asian Championship sa Tashkent Uzbekistan.
Ang Resolution No. 388 Series of 2024 nga naglatid sa gipakitang pinasahi nga talento ni Karl Eldrew Yulo nga rason sa pagdaug iya og gold medal sa vault category sa Junior Division human makuha ang iskor nga 14,283 nga mas taas kumpara sa miaging tuig dihang masungkit niya ang silver medal.
Si Carlos Yulo, nakalatid pa sa resolusyon, nga usa ka Olympian og two-time world champion og una na usab nga gihatagan ug prestihiyosong “Outstanding Manilan Award”, subling nagpakita og talagsaon nga kalampusan dihang masungkit ang gold medal sa Senior Divison sa vault og parallel bars.
