Gikwestyon na usab ni Davao City Mayor Sebastian ‘Baste’ Duterte ang pagkuha ni Philippine National Police Chief Director General Rommel Marbil sa 75 ka mga police escorts sa iyang magulang nga si Vice President Sara Duterte.
Kini atol sa gilusad nga Maisug rally didto sa Brgy. Agusan, Cagayan de Oro City nga gipahigayon na lang sa barangay gymnasium human wala muhatag og permit ang city government alang sa rally nga himuon unta nila sa Divisoria kansa usa ka open area.
Sigon sa mayor, klarong politically-motivated ang lakang sa PNP nga gipasangil ra niya sa kakulang sa ilang mga personahe.
Kung nagkinahanglan matud pa sila og 75 ka mga pulis, pwedeng mukuha og tag-usa sa matag-police station sa tibuok nasud si General Marbil aron dili unta halata ang tumong sa iyang gihimo.
Misamot kaklaro ang ila matud pang dautang plano dihang tulo ka higayong giilisan sulod lang sa usa ka adlaw ang city police director sa Davao City.
