Anaa na sa luwas nga kahimtang si kanhi US President Donald Trump human giingong nisuway pagpusil kaniya atol sa iyang rally sa Butler, Pennsylvania kagahapon, Sabado.
Ang kanhi tigpamaba ni Trump nga si Steven Cheung mikompirmar nga luwas ang kanhi Presidente ug kasamtangang gitambalan sa iyang samad.
Sumala sa representante sa Republikano nga si Mike Kelly, nga kauban ni Trump sa rally, nakadungog siya og mga buto sa armas.
Si Butler county district attorney Richard Goldinger mikompirmar nga duha ka tawo ang namatay lakip ang namusil ug usa ka nanambong.
Ang Presidente sa US nga si Joe Biden gihatagan usab usa ka mubu sa White House bahin sa rally ni Trump.
Ang briefing kay Biden gipangulohan sa homeland security secretary Alejandro Mayorkas, Secret Service director Kimberly Cheatle ug assistant sa presidente ug homeland security adviser Liz Sherwood-Randall.
