Ipahigayon karong adlawa ang plebisito sa bag-ong barangay sa Tupi South Cotabato ang Juan Loreto Tamayo.
Kini aron i ratify ang kamugnaan sa ika katorse nga barangay sa munisipyo.
Kini human gitugtan sa COMELEC ang pagpahigayon ug plebisito isip pagsunod sa resolosyon number 158 series of 2023 nga giaprubahan sa Sangguniang Panlalawigan sa South Cotabato.
Nasuta nga ang proposed barangay ang nahimutang sa protected area sa Mt Matutum Protected Landscape.
Kini nga plebisito ang mipataas sa kilay sa mga environmentalists ug conservation advocates tungod naapil ang lugar sa Republic Act 11038 kon Enhanced Integrated Protected Area System Act (E-NIPAS) nga ang tumong mapakusog ang biological diversity ug proteksyon batuk sa human exploitation.
Hinuon dili pa klaro kung misugot ang Protected Area Management Board sa Mt. Matutum Protected Landscape (sa pagpahigayon sa plebisito nga manginahanglan ug PAMB clearance.
Kahinumduman niadtong Mobyembre miaging tuig mipirma ug memorandum of agreement silang Mayor Romeo Tamayo ug Department of Environment and Natural Resources (DENR) Regional Director Atty. Felix Alicer sa pagpahigayon ug survey aron itudlo ang boundaries sa Barangay Juan-Loreto Tamayo.
