Pampasaherong Eroplano nawad-an og ligid samtang mitugpa sa Denver

Natangtang ang ligid sa usa ka pasaheroang eroplano samtang nitugpa kini sa Denver.

Ang United Airlines jet gikan sa Los Angeles ug mitugpa sa Denver ug ang landing-gear wheel natangtang.

Walay naangol nga mga pasahero o tripulante sa maong insidente.

Sumala sa United Airlines, nagpahigayon sila og imbestigasyon kung paunsa natangtang ang ligid sa United Flight 1001, usa ka Boeing 757-200.

Kahinumdoman nga niadtong Marso, usa ka United Boeing 777-200 jet ang nawad-an sa ligid samtang kini anaa sa kahanginan gikan sa San Francisco ug luwas nga mitugpa sa Los Angeles International Airport.