GENERAL SANTOS CITY – Mukabat sa baynte ka kaso sa online fraud apil ang online scam ang nadawat sa cyber crime office sa camp Lera ning syudad.
Matud ni Major Mark Gerald Nobe ang Operation Officer sa RACU 12 nga duha ka kaso niini ang napasang-at na sa prosecutors Office ug kasamtangan ng ginataral.
Gani nagpadayon matud pa ang ilang tahas alang sa information dessimanation aron kapugngan ang pagdaghan sa mabiktima sa mga scammer.
Gikadugang ni Major Nobe nga daghan ang nabiktima sa online scam apan ang uban gipakamaayo nga magpakahilum na lamang tungod naglikay nga maulawan apan panawagan niini sa publiko nga may mga paagi aron mailhan ang mga mihimo sa maong pagpangilad.
Kasagaran matud pa sa gikataho sa ilang buhatan mao ang online scam, online libel, ATM and card fraud, ug uban pa.
Tambag niini sa publiko nga dili tubagon ang tawag sa celphone sa dili kaila nga caller u kaha dili i accept ang request sa usa ka estranyo kini tungod diha magsugod ang krimen. Kung mabiktima mudangop dayon sa ilang buhatan aron makahimo sila ug aksyon
