Gikumpirma sa Armed Forces of the Philippines (AFP) ang pag-agi sa dakong barko sa China duol sa BRP Sierra Madre sa Ayungin Shoal sa West Philippine Sea.
Matud ni AFP Public Affairs Office Chief, Col. Xerxes Trinidad ang maong lakang sa China kabahin sa ilang mas halapad nga pattern sa mga gapanghilabot nga mga patrol nga tumong nga ihingusog ang supak sa balaud nga pag-angkon sa mga lugar sa sulod sa exclusive economic zone (EEZ) sa Pilipinas.
Gibutyag ni Trinidad, hugot nga ginamonitor sa AFP ang tanang mga aktibidad sa West Philippine Sea isip kabahi sa ilang commitment nga panalipdan ang integridad sa teritoryo og ang katungod sa soberenya sa Pilipinas.
Gihingusgan sa opisyal nga magpabiling mahimong alerto ug lig-on ang AFP sa ilang misyon aron ipatuman ang mga internasyonal nga balaud partikular ang United Nations Convention on the Law of the Sea (UNCLOS).
