Bisan wala pa magsugod ang plano sa pagbaligya og bugas sa tag P29 matag kilo, nagpahinumdom ng daan ang Department of Agriculture (DA) sa mga konsumidor nga dili abusohan ang maong programa.
Gihimo sa ahensya ang apela uban ang posibilidad nga mobalik-balik ang mga konsumidor sa pagpila sa barato nga bugas, bisan pa nga adunay limitasyon sa gidaghanon nga mapalit sa matag pamilya.
Matud pa ni DA Spokesperson Assistant Secretary Arnel de Mesa, target sa gobyerno nga makabenepisyo ang mga marginalized sector sa maong programa busa kinahanglang sabton sa mga konsumidor nga limitado lang ang ilang mapalit.
Gipahinumdoman usab sa opisyal sa DA ang mga konsumidor nga dili magpasobra sa ilang paliton, kon dili i-accommodate usab ang uban nga takos nga mamalit.
Apan gipasabot nga ang maong programa usa lamang ka supplemental option sa mga kabus nga pamilya aron matubag ang ilang mga galastohan.
Una nang giaprobahan sa konseho sa National Food Authority (NFA) ang pagbaligya sa karaang NFA rice nga maayo pa ang kalidad sa tag P29 matag kilo.
Sa inisyal nga plano, kadto lang nahisakop sa marginalized sector ang makapalit, sama sa single parent, PWDs, pobreng pamilya, ug uban pa.
Gilauman nga ipagawas sa DA ang pinal nga anunsiyo sa pagpatuman sa programa, sa dili pa magsugod ang bulan sa Hulyo, 2024.
