Gikumpirma sa Office of Civil Defense (OCD) nga may na-report na nga lima ka mga indibidwal nga namatay samtang pito ang angol tungod sa paghuros ni Bagyo Aghon.
Sumala kang OCD Spokesperson Edgar Posadas, ginaberepika pa sa pagkakakaron sa opisina ang among ihap sa namatay.
Sa inisyal nga impormasyon, nalakip sa mga napatay ang usa ka pito-ka-bulan nga bata sa Padre Burgos, Quezon nga gianod sa kusog nga tubig-baha kaniadtong Sabado sa gabie.
Sa bulag nga datos sa Philippine National Police, tulo sa mga napatay ang lunsay gikan sa Quezon kun asa gawas sa bata, may lalaki usab nga natumbahan ug punoan sa acacia sa San Antonio ug usa ka 14-anyos nga solterito nga natumbahan usab ug kahoy sa Lucena City.
Sa pito usab ka nakaangkon ug injuries, gikanayong upat ang gikan sa Legazpi, Albay kun asa nalakip usab ang tulo ka mga menor de edad ug usa nga natumbahan ug kahoy.
Base sa pinakaulahi nga situational report sa National Disaster Risk Reduction and Management Council, sobra 8,400 ka mga pamilya ang apektado sa bagyo ug kapin sa 5,000 ang na-displace nga karon nagatinir una sa halos 100 ka mga evacuation centers.
Adunay nadeklara na nga state of calamity sa Lucena City, Quezon.
Sumala usab sa Quezon Provincial Disaster Risk Reduction and Management Office nga mahimo usab ipailalom sa calamity status ang first ug second districts sa probinsya nga adunay 20 ka mga lungsod human sa dakong epekto sa bagyo.
Sa bahin sa Department of Social Welfare and Development, nakahatag kini ug P5-million nga balor sa standby funds sa Calabarzon nga usa sa mga rehiyon nga gihuros sa bagyo.
