GENERAL SANTOS CITY – Plano nga ipatawag sa Konseho sunod sesyon si PNP City Director Col Nicomedes Olaivar Jr. aron hatagan ug katin-awan ang sunod sunod nga shooting incident sa syudad.
Matud ni Public Order Committee Chairman Richard Atendido kinahanglan nga ipaklaro ni Olaivar nganong sunod-sunod ang nahitabo nga pagpamusil kung asa duha ka pagpamusil natigayon kaniadtong adlaw nga Dominggo kung asa duha gayud ang napatay nga gisundan usab sa pagpamusil sa usa ka babaye nga sa iyang adlaw nga natawhan gipatay sa wala maila nga suspek.
Una nga nagpagawas ug pahayag ni Col. Olaivar pinaagi sa ilang social media page nga aktibo nga girespondihan ang mga shooting incident sa syudad.
Gani gipakusgan matud pa ang ilang pagbantay apil ang regular checkpoin , gipatas-an nga mobile patrolling, police visibility aron kapugngan ang kriminalidad samtang nangayo ug tabang sa publiko aron magpabilin nga vigilante ug itaho sa kapulisan ang mga kadudahang kalihukan.
