GENERAL SANTOS CITY – Napalubong na lamang ang babaye nga nakaplagan nga patay apan wala gayud ma autopsy basi sa pahayag sa pamilya. Kini human nakita ang patay nga lawas ni Joan Maganto Lawi-an 32 anyos nga taga Sitio Tucalabong, Barangay Crossing Rubber Tupi South Cotabato human na missing ug lima ka adlaw.
Una nga gibutyag ni Police Major JS Pedregoza hepe sa Tupi Municipal Police station nga may mga person of interest sila nga giimbitahan aron makuhaan ug pahayag.
Dili kumbinsido ang kapulisan sa pahayag sa pamilya Lawi-an nga gilugos ang biktima human nakita ang samad sa likod nga bahin sa ulo ug sa kamot sa biktima kini tungod wala ma autopsy ang biktima.
May pagduda nga nahulogan ug bunga sa lubi ang biktima hinungdan nga natumba sa lugar .
Una nga gikataho nga ulahing nakita ang biktima adlaw nga sabado apan adlaw nga byernes na kini nakita sa mga silingan nga anaa na sa state of decomposition.
Miaging adlaw gipalubong na sa pamilya ang biktima tungod sa tambag usab sa Municipal Health Office aron dili makahatag ug peligro sa mga kabanay sa biktima.
