GENERAL SANTOS CITY – May gisundan na nga suspek ang kapulisan sa pagpusil patay sa kanhi priso nga nagtrabaho nga usa ka welder.
Matud ni Police Major Carl Jayson Baynosa, hepe sa Makar Police Station nga person of interest pa sa una ang nahisgutan apan dihang nakuhaan ug poahayag ang asawa sa biktima iyang gitudlo ang suspek nga usa sa mipusil patay sa iyang bana nga si Jerry Abellanosa 53 anyos nga taga Lanton, Apopong ning syudad.
Gikadugang niini nga ila nang iduso sa piskalya ang kaso luyo nga gihulat na lamang ang resulta sa ballistics examination nga gihimo sa crime laboratory sa 9 mm pistol nga gigamit sa mga suspek.
Base sa imbestigasyon nga miaging gabii gipusil ang biktima sa mga suspek samtang naa sa ilang balay.
Kanhi matud pa kini nga napriso tungod sa malicious mischief ug laing duha ka kaso sa gidili nga druga apan nakasilbi na sa sentensya hinungdan nga nakagawas ug nakabalik sa iyang pamilya.
Gikadugang pa ni Baynosa nga duha ang gilantaw nga motibo usa niini onsehan sa druga ug ang ikaduha posible gibalikan sa mga kauban ug gipusil human nagmagahi nga mutulak pag-usab ug droga.
na ng gibutyag sa asawa sa biktima nga nakakita sa duha niini ka anak ang pagpusil sa ilang Amahan.
