GENERAL SANTOS CITY – Pasakaan na ug kaso sa kasupakan sa Section 1401 of RA 10863 kon Customs Modernization and Tariff Act (CMTA) ning adlawa ang 16 ka crew on board sa sakayan nga intercept sa mga otoridad sa Sarangani bay nga iligal nga nagpalusot ug 1,075 master cases sa R & B brand sa sigarilyo nga adunay estimated market value nga Php 21M gamit ang fishing boat nga adunay ngalan nga Blady Weeya gikan sa Kahikuku, Tongkil, Sulu.
Kahibaloan nga naka kostudiya sa Philippine Navy ang mga ebidensya nga nakompiska sa mga otoridad nga e turn over ngadto sa Bureau of Customs alang sa tukmang disposisyon.
Lakip usab naka kustodiya sa Philippine Navy ang gigigamit nga sakayan nga dunay approximate market value nga Php 1.7M.
Kahinumdoman nga anaa sa kostudiya sa Makar Police Station dinhi sa Gensan ang nasikop nga mga indibidwal samtang giandam ang mga kaso.
