GENERAL SANTOS CITY – Posebli karong semana mugawas na ang mga pangalan sa job order workers nga magpabilin nga magserbsiyo sa syudad human gibutyag mga nakalabay nga semana ni Gensan Vice Mayor Rosalita Nuñez nga halos katunga sa mga JO’s ang mawad-an ug trabaho.
Kini human gikumpirma ni Nuñez nga walay pundo nga gitagana ang syudad karong tuiga aron makapadayon sa pagtrabaho ang mga job order worlers.
Gani gikaguol sa opisyal ang nahitabo apan wala matud pa kini mahimo tungod kulang ang pundo.
Gibutyag usab ni Nuñez nga kasagaran sa mahibilin nga job order workers kadtong adunay importante nga papel sa mga buhatan sa gobyerno.
Gumikan niini nangayu ug pasaylo si Nuñez sa mga maapektuhan human giangkon nga nakatabang sa panginabuhi sa pipila ka job order ang mahatagan ug trabaho sa LGU.
Gani nagpagawas na ug memorandum sa mga empliyado sa Sanggunian Panglungsod nga magdaginot human gigahinan lamang ug P12M nga pundo ang ilang departamento luyo nga P18M ang ilang gipangayu sa buhatan sa Mayor ning syudad.
