GENERAL SANTOS CITY – Magsugod na karong adlawa Enero dos ug matapos Enero baynte ang pagpatuman sa online renewal sa business permit kini subay sa local government code.
Una nga gibutyag ni Christian Mark Abarques, Acting Division Chief sa Business Permits and Licensing Division sa Gensan nga angayan nga magbaton ug bookeper ang mga kompanya nga makamao sa online transactions aron mapadali ang pagrenew sa ilang business permit.
Matud ni Abarquez nga paagi kini aron mahimong sayon ug dali ang pagproseso.
Sama sa miaging tuig, ang pagproseso apil ang pagpasumite og mga rekositos sa renewal sa business permit ang iagi na online.
Sa mga buot mapadali ang renewal mamahimo na nga muadto sa Online applications pinaagi sa http://filipizen.com/ aron magsumite sa mga requirements.
Gipaklaro usab niini nga nagpatuman ug deadline sa pagproseso sa mga dokomento aron dili mapahamtangan ug surcharge.
Gihangyo niini ang mga negosyante nga ideklara ug sakto ang ilang gross income aron mahimong hapsay ug dali ang aplikasyon.
