Nag pagawas ang Philippine National Police (PNP) 40 ka mga subpoena batok sa 11 ka mga indibidwal nga giisip nga “persons of interest” may kalabotan sa pagsulay sa pagpalusot og ilegal nga droga—nga nagkantidad og ₱3.5 bilyones ngadto sa Pilipinas gikan sa Laos.
Lakip sa mga ginganlan sa Department of the Interior and Local Government (DILG) mao si Edriezan Hadji Nasser Rimbang, usa ka kanhi miyembro sa Bangsamoro Parliament, kinsa gituohang maoy nagpondo sa maong operasyon.
Ang pribadong eroplano nga gigamit sa pagsulay sa pagdala sa maong kargamento gibanabanang nagkantidad og ₱11 ka milyon.
Samtang, padayon pa gihapong gipangita sa mga awtoridad ang upat sa 11 ka mga indibidwal, tungod kay gikatahong naghatag sila og mga bakak nga adres.
Sa laing bahin, ang House Committee on Dangerous Drugs nagpatawag kang DILG Secretary Jonvic Remulla ug Philippine Drug Enforcement Agency (PDEA) Director General Isagani R. Nerez alang sa usa ka pasiunang paghisgot mahitungod sa maong kaso.
