GENERAL SANTOS CITY – Nangalangkat ang mga gamot sa acacia human gisugdan ug kotkot ang palibot sa punu-an sama sa giingon sa taga CENRO aron kini maibot.
Kini na ang ikatulo nga adlaw human gisugdan niadtong dominggo ang pagputol sa mga sanga.
Kini human giangkon ni Allan Marcilla sa City Enviroment Natural resources Office nga walay himan ang syudad nga magamit sa pag-ibot sa gitawag ug heritage tree.
Sa plano nga human maibut ang dakong punu-an sa acacia isakay kini sa flatbed ug ihatud sa Ligaya ning syudad ug didto itanum.
Gani negatibu ang tubag sa maong buhatan kung mabuhi pa ang nahisgutang kahoy tungod kinse ngadto sa baynte porsyento lamang kini nga mabuhi tungod sa iyang edad.
Gitawag pa sa mga enviromentalist group nga walay baruganan silang Marcilla tungod walay nahimo aron depensahan ang nahisgutang kahoy.
Ang nahisgutang grupo ang nagpadala ug sulat panghagyo sa Mayor sa syudad aron dili hilabtan ang nahisgutang kahoy apan wala paminawa ang ilang hangyo.
