GENERAL SANTOS CITY – Malampusong nadawat ni Mr. Ebenizer Melindo, nga taga Santa Cruz Cannery Polomolok South Cotabato ang iyang P1 Milion grand prize human midaog kini sa Buena Mano Salvo Year 17.
Pinaagi sa iyang asawa nga si Mrs. Rackeline Melindo, ilang gidawat ang premyo atol sa gihimong awarding kagahapon sa sibyahanan sa Bombo Radyo Gensan.
Gibutyag ni Mrs. Melindo nga mixed emotion ang iyang gibati kung asa hilabihan ang kalipay niya tungod dako kaayong blessing ang nadawat sa ilang pamilya.
Dugang pa niini nga dili lang sila ang matabangan sa ilang nadawat nga P1 million kun dili daghan pa.
Sa iyang pamahayag, maadto ang dakong bahin sa ilang premyo sa padayon nga pagpatambal sa iyang bana alang sa full recovery niini human nga na-mild stroke.
Ang uban ang pang-capital alang sa dugang panginabuhian.
Si Mr. Melindo ang ika 74th millonaire sa mga promo sa bombo radyo philippines.
Nasayran nga ning adlawa anaa sa total nga P2.1 Million cash prize ang gihatag sa Bombo Radyo Philippines sa tanang grand draw winner sa Buena Mano Salvo Year 17 nationwide.
Ang P2.1 million ang apil sa P8.5 million nga katibuk-ang premyo sa promo sa tibuok nasud.
