GENERAL SANTOS CITY – Gipanghimakak ni Loloy Muaña ang alegasyon ni Pastor Neri Mabulo Clam batok kaniya nga siya matod pa ang nagpasiugda nga magkotkot sa Purok 11 sa Brgy. Apopong ning syudad.
Pagpaklaro pa niini nga dili matod pa tubigan ang gipahigayon apan usa kini ka treasure hunting nga adunay gilawomon nga 136 feet.
Matod pa ni Loloy nga si Pastor Neri ang maoy utok sa pagpasiugda sa pagkotkot niini nga bisan ang pagpananghid sa tag-iya sa yuta ang wala mabuhat sa Pastor.
Dugang pa niini nga gibutyag ni pastor nga kung adunay mangutana kanila, tubagon lang nga usa ka tubigan ang gikutkot alang sa mga residente sa lugar.
Gipanag-iyahan ni Pastor Neri Mabulo Clam ang 1.6 ektarya nga compound.
Labaw usab siya sa usa ka private NGO nga Bantay Bayan.
Sa iyang bahin, nasayod matud pa sya nga ginadili ang illegal nga treasure hunting ug gihingusgan nga naka disenyo alang sa patubig ang gikalot.
Kahibaluan nga nahimong mainitun ang inter agency site inspection sa gituohang treasure hunting sa Prk. 11, Lanton, Brgy. Apopong ning syudad, kauban ang mga tanod ug opisyales sa Brgy. Apopong, BJMP, Makar Police Station, DENR ug CENRO Gensan kung asa nakita ang dugay nang kadudahan nga lawom nga kalot sa yuta.
