Palengke sa Malapatan, Sarangani Province nasunog

GENERAL SANTOS CITY – Padayon pa ang imbestigasyon sa natigayon nga sunog sa palengke sa Malapatan, Sarangani Province.

Matud pa ni Mayor Salway Sumbo sa Malapatan Sarangani Province nga muhatag sila og cash assistance og laing tabang ang ihatag sa mga nabiktima.

Lakip niini ang appliances repair shop, ukay ukayan, computer shop og uban pa nga nahimutang sa palengke.

Nagpahimangno si Mayor Sumbo sa katawhan nga mag-amping aron nga makalikay sa sunog.

Nasayran nga ang buhatan sa Buruea of Fire Protection (BFP) Malapatan ang duol lang sa palengke nga nakarespondi gilayon sa sunog.

Sa pamahayag pa sa BFP Malapatan nga anaa sa P1 million ang damyos sa sunog.