GENERAL SANTOS CITY – Nakarecover na ang Gensan sa epekto kaniadto sa pag-igo sa African Swine Fever( ASF).
Matud pa ni Toto Mosqueda, Presidente sa GenSan Meat Vendors Association sa Central Public Market sa dakbayan, niadtong niigo ang ASF apektado ang mga meat vendors sa merkado publiko kung asa nihit ang kita sa mga negosyante tungod dili kaayo daghan ang namalit og karneng baboy gumikan sa kahadlok sa maong sakit sa baboy.
Apan karun sumala ni Mosqueda naka bawi na ang hog industry sa Gensan gumikan nibalik na og kalagsik ang panginabuhian sa mga nasampit tungod daghan na usab ang namalit og baboy.
Lauman nga sa muabotay nga kapaskuhan taas ang demand sa baboy.
Nagpasalamat ang Meat Vendors Association sa palengke nga wala gipasagdan sa syudad partikular sa City Vet nga mukahatag ang ASF.
Nanghinaut si Mosqueda nga mawala na sa hingpit ang ASF sa nasud ug makaangkon ug bakuna batok sa maong sakit sa baboy.
