GENERAL SANTOS CITY -Mas klarado na ang mga patakaran sa syudad kalabutan sa pagdawat og prangkisa sa tricycle sa syudad.
Kini human nga nag-convene ang mga miyembro sa Motorized tricycle Franchising and Regulatory Board (MTFRB).
Kahibaluan nga sa unang pamahayag sa Public safety office ang nagkanayon nga wala pa sila nagdawat sa aplikasyon sa prangkisa sa tricycle.
Apan adunay gipasa nga sugyot balaodnon sa Sangguniang Panlungsod kalabutan sa 1,200 ka prangkisa sa mga tricycle.
Kahibaluan nga anaa sa 3,184 ang may prangkisa nga tricycle sa pagkakaron.
Gihingusgan ni Kag. Dominador Lagare Jr. chairperson sa committee sa konseho nga pwede nga mag-apply og prangkisa ang matag indibidwal apan mas maayo kung pinaagi sa kooperatiba.
Samtang gibana-banaan nga anaa sa 30,000 ang gabiyahe nga tricycle sa dakbayan kung asa 21,000 kapin ang dili mahatagan.
Apan sa maong ihap anaa sa 18,000 ang dili taga GenSan og 3,000 ang mga private nga mga tricycle.
